Urdu Sad Poetry On Shab

Kya khazany meri jan hijr ki shab yad aye
Tera chehra teri aankhen tery lab yad aye

Aik to tha jisy ghurbat mein pukara dil ne
Warna bichry hoey ahbab to sab yad aye

Hum ne mazi ki sakhawat pe jo pal bhar socha
Dukh bhi kya kya humen yaron ke sabab yad aye

Phool khilny ka jo mousam mery dil mein utra
Tery bakhshy hoey kuch zakhm ajab yad aye

Love Poetry On Yaad

Sad Poetry

Ab to aankhon mein faqt dhool hai kuch yadon ki
Hum usy yad bhi aye hein to kab yad aye

Bhool jany mein woh zalim hai bala ka mahir
Yad any pe bhi aye to ghazab yaad aye

Yeh khushak rut pe nay saal ka pehla lamha
Dil ki khawahish hai keh Muhsin koi ab yaad aye

Leave a Reply