Urdu Poetry By Wasi Shah kal hamesha ki tarha uss ne kaha ye phone per

Kal hamesha ki tarha us ne kaha yeh fone par

Main bahot masroof hon mujh ko bahot se kaam hein

Is liye tum aao milny main to aa sakti nahin

Har riwayat tor kar is baar main ne keh dia

Tum jo ho masroof to main bhi bahot masroof hon

Tum jo ho mashhoor to main bhi bahot maaroof hon

Tum agar ghamgeen ho to main bhi bahot ranjoor hon

Tum thakan se choor to main bhi thakan se choor hon

Jan-e-man hai waqt mera bhi bahot hi qeemti

Kuch porany doston ne milny ana hai abhi

Main bhi ab farigh nahin mujh ko bhi lakhon kaam hein

Warna kehny ko to sab lamhy tumhary naam hein

Meri ankhen bhi bahot bojhal hein sona hai mujhy

Ratjagon ke baad ab neendon mein Khona hai mujhy

Mein lahoo apni anaon ka bhaha sakta nahin

Tum nahin aati to milny main bhi aa sakta nahin

Us ko ye keh kar Wasi main ne reciever rakh diya

Aor phir apni aana ke paon pey sar rakh diya

Love Urdu Poetry On Anaa

kal hamaisha kee tarah

Leave a Reply