Urdu poetry By Sahir Ludhianvi Mere khwabon ke jharokhon ko sajane wali

Mery khwabon ke jharokon ko sajany wali
Tery khwabon mein kahen mera guzar hai ke nahin
Poch kar apni nigahon se bata de mujhko
Meri raaton ke muqadar mein sehar hai ke nahin

Char din ki yeh rifaqat jo rafaqat bhi nahin
Omar bhar ke liy azaar hoi jati hai
Zindagi yon to hamesha se pareshan si thi
Ab to har sans giran baar hoi jati hai

Meri ujri hoi nindon ke shabistan mein
To kisi khawab ke paikar ki tarah aai hai
Kabhi apni kabhi ghair nazar ati hai
Kabhi ikhlas ki moorat kabhi harjai hai

Piyar par bas to nahin mera lekin phir bhi
Tu bata day tujhy piyar karon ya nah karon
Tu ne khud apny tabasum se jagaya hai jinhen
Un tamannaon ka izhaar karon ya nah karon

TU kisi aor ke daman ki kali hai lekin
Meri raten teri khushbo se basi rehti hain
Tu kahin bhi ho tery phool se aariz ki qasam
Teri palken meri aankhon pe jhuki rehti hein

Tery hathon ki hararat tery sanson ki mehak
Tiarti rehti hai ehsas ki pihnai mein
Dhondhti rehti hein takhayul ki bahen tujhko
Sard raton ki sulagti hoi tanhai mein

Tera altaf-o-karam aik haqiqat hai magar
Yeh haqiqat bhi haqiqat mein fasana hi na ho
Teri maanus nigahon ka yeh mohtat payaam
Dil ke khoon karny ka aik aor bahana hi nah ho

Kon jany mery imroz ka farda kya hai
Qurbaten bakht-e-pasheman bhi ho jati hein
Dil ke daman se lipati hoi rangin nazren
Dekhty dekhtey anjaan bhi ho jaati hain

Meri darmandah jawani ki tanhayon ke
Muzmahil khwab ki tabeer bata de mujhko
Tery daaman mein gulistan bhi hein wirany bhi
Mera haasil meri taqdir bata de mujhko

Romantic Poetry Mataa-e-ghair

meray khawbon k

Leave a Reply