Urdu Poetry By Nasir Kazmi

Hoti hai tere naam se wehshat kabhi kabhi
Barham hui hai yon bhi tabiyat kabhi kabhi
Ay dil kise naseeb ye taufiq-e-iztirab
Milti hai zindagi mein yeh rahat kabhi kabhi
Tere karam se ay alam-e-husn-e-aafrin
Dil ban gaya hai dost ki khilwat kabhi kabhi
Josh-e-junun main dard ki tugyaniyon k sath
ashkon main dhal gai teri surat kabhi kabhi
Tere qarib rah k bhi dil mutmain na tha
guzri hai mujh pe bhi ye qayamat kabhi kabhi
kuch apna hosh tha na tumhara khayal tha
yun bhi guzar gai shab-e-furqat kabhi kabhi
Ai dost ham ne tark-e-muhabbat k bawajud
mahsus ki hai teri zarurat kabhi kabhi

Love Urdu Poetry On Iztarab

hoti hai teray naam se

Leave a Reply