Urdu Poem Hamesha Dair Kar Deta Hoon Main

Hamesha dair kar deta hoon main
har kaam karnay mein
Zaroori baat kehni ho koi wada nibhana ho
Usay aawaz deni ho usay wapis bulana ho
Hamesha dair kar deta hoon main
Madad karni ho us kee yaar ke dhaarus bandhana ho
Bohat derina rastoon par kisee se milne jaana ho
Hamesha dair kar deta hoon main
Badaltay mausmon ki sair may dil ko lagana ho
Kisee ko yaad rakhna ho kisee ko bhool jana ho
Hamesha dair kar deta hoon main
Kisee ko maut se pehlay kisee ghum se bachana ho
Haqeeqat aur thi kuch us ko jaa kay yeh batana ho
Hamesha dair kar deta hoon main
har kaam karnay may

Urdu SMS Poetry By Munir Niazi

hamaisha dair kar daita houn

 

Leave a Reply