Urdu Nazm Mohabbat Kam Nahi Ho Gi

 Tumhari talkhiyon se

Aur tumharay na-tarasheeda rawayyon se

 Tumhari choti choti ranjishon se

Aur bari naraazgi se bhi

 Mohabbat kam nahi ho gi

Tumhari shehar bhar se dil lagaa lenay ki aadat se

 Tumhari be wafaai se

Tumhari be-hissi se bhimohabbat kam nahi ho gi,

Anaa ka darmayaan aa kar

Kaii be-saakhta jazbay achaanak maar jaanay se,

Dilon ko zaat par se waar jaanay se,

Kisi waadi mein jaa basnay

Kisi sehra mein rasta bhool jaanay se

Yaa samandar paar jaanay se

Mohabbat kam nahi ho gi

Kisi ke jeet jaanay se

Kisi ke haar jaanay se

Mohabbat kam nahi ho gi

SadPoetry On Mohabbat For Lovers


One Response

  1. Tanni June 29, 2011

Leave a Reply