Urdu Nazm Main aisi mohabbat karta hoon

Nakaam nahin nashad nahin

Main qais nahin farhad nahin

Punnon bhi nahin ranjha bhi nahin

Wamiq bhi nahin mirza bhi nahin

Woh log to bas afsany thy

Is shidat se begany thy

Main zinda aik haqeeqat hoon

Sar tapa jazba ulfat hoon

Main tum ko dekh ke jeeta hon

Har lamha tum pe marta hoon

Main aisi mohabbat kart hoon

Tum kesi mohabbat karti ho

Tum jahan peh beth k jati ho

Main waheen pe betha rehta hoon

Uss cheez ko choota rehta hoon

Main aisi mohabbt karta hoon

Tum jis se huns k milti ho

Main us ko dost banata hoon

Tum jis raste par chalti ho

Main us se aata jata hoon

Main aisi mohabbat karta hoon

Tum kaisi mohabbat karti ho

Tum jin ko dekhti rehti ho

woh khawab sarhane rakhta hoon

Tum se yon milne julne k

Kitne hi bahane rakhta hoon

Main aisi mohabbat karta hoon

Tum kaisi mohabbat karti ho

Kuch khawab saja kar aankhon mein

Palkon say moti chunta hoon

Koi lums agar choo jaye to

Main pehroon us ko ginta hoon

Main aisi mohabbat karta hoon

Tum kaisi mohabbat karti ho

Jin logon mein tum rehti ho

Tum jin se baatein karti ho

Jo tum se hans ke milty hein

Jo tum ko ache lagty hein

Wohi mujh ko ache lagte hein

Main aisi mohabbat karta hoon

Tum kaisi mohabbat karti ho

Jis bagh mein subh jati ho

Jis sabze par tum chalti ho

Jo shaakh tumhein choo jati hai

Jo khushboo tum ko bhaati hai

Woh oos tumhare chehre par

Jo qatra qatra girti hai

Woh tittli chor k phoolon ko

Jo tum se milne aati hai

Jo tum ko choone aati hai

Un sab k nazuk jazbon main

Mere dil ki dharkan basti hai

Meri rooh bhi shamil rehti hai

Tum paas raho ya door raho

Nazron mein samai rehti ho

Main tum ko takta rehta hoon

Main tum ko sochta rehta hoon

Main aisi mohabbat karta hoon

Tum kaisi mohabbat karti ho

Woh jaga jahan tum hoti ho

Main us ko takta rehta hoon

Jis kursi pe tum bethti ho

Main us ko chhoota rehta hoon

Woh kitaab jo tum ne gum ki thi

Main apny bag mein rakhta hoon

Gadla sa ik tissue paper

Jo tum ne kahen pe choora tha

Woh mery purse main rehta hai

Woh mery lams mein rehta hai

Woh makhmal hai Woh deeba hai

Woh chandi hai woh sona hai

Woh amber hai woh sandal hai

Woh khushboo ka ik jangal hai

Har manzar mein har rasty par

Main saath tumhare hota hoon

Main chashm-e-tasavvur se aksar

Bas tum ko takta rehta hoon

Bas tum ko sochta rehta hoon

Main aisi mohabbat karta hoon

Tum kaisi mohabbat karti ho

Main aisi mohabbat karta hoon

Main aisi mohabbat karta hoon

Urdu Love And Romantic Poetry

urdu love poetry

One Response

  1. snowber April 7, 2015

Leave a Reply