Tum ajeeb larki ho
Aansoon ko piti ho
Zehr zindagi ky sab
Sath le ky jiti ho
Chandni ky haly ko
Subha ky ujalay ko
Roshni ky badal mein
Jhilmilaty aanchal mein
Bandh ky yon rakhti ho
Tum ajib larki ho
Chhup ky ahen bharti ho
Roshni sy darti ho
Apny sary sapnon ko
Yon chhupa ky rakhti ho
Jesay sary khwabon par
Ishq ky azabon par
Bus tumhara hi haq hai
Aesy baten karti ho
Tum ajib larki ho
Khawab bunti rehti ho
Khawab ky jharokon sy
Mujh ko takti rehti ho
Un ginat sawalon sy
Un kahy jawabon sy
Bas ulajhti rehti ho
Khwab dekhti bhi ho
Totnay se darti ho
Tum ajib larki ho
Tum wafa ki baton par
Muskurati rehti ho
Gehri gehri aankhon sy
Door been nigahon sy
Sab ko dekha karti ho
Aor sab sy chhup ky phir
Aansuon ko piti ho
Jany kesy jiti ho
sad Urdu Nazm On Girl Life
