Kabhi tamana ke rasty par niklo paro to

Khayal rakhna

Hawaen  badal fizaen mosam khayal

Chehry badal badal kar tumhen milen gy

To lamha lamha badalty rangon ke shokh dhoky mein nah aa jana

Kabhi jo charon tarf tumhary

Kiran kiran apna khowab aisa badan nikhary

Zamin pe utry

To dhundlakon mein sama nah jana

Kabhi jo aankhon mein chaand hans hans k chandni ka

Khumar bhar dy

To apni aankhen kahen khala mein ganwa nah aana

Keh yeh nah ho phir jo khowab tooty

Dhanak dhanak ka saraab tooty

To jism-o-jaan par azaab tooty

Aor tum bamushkil larzty hathon mein

Kirchi kirchi badan sanbhaly

Kahen bulandi py charh ke risti hoi aankhon se

Wapsi ke nishan dhoondo

Kabhi tamana ke raston pe nikal paro to khayal rakhna

Kahen se khali palat ke aana bahot kathan hai

Bahot kathan hai

Romantic Urdu Nazm On Khowab

By Farhat Abbas Shah