Sad Urdu Poetry SMS About Barsaat

Dhoop ke roop mein barsaat bhi ho sakti thi
Subah ke dhoke mein siyah raat bhi ho sakti thi
kisi shikwy ko hi buniyad bana kar aate
Es bahane se mulakat bhi ho sakti thi
Khaar bheje hain mujhe us ne, to heraat si hue
Koi chahat bhari soghat bhi ho sakti thi
Be niazi ki nazar se mujhe takny wale
Aap ki nazar-e-aniyaat bhi ho sakti thi
Jald bazi main bhi tum jeet ke aaye ho magar
Es tarah se tu tumien maat bhi ho sakti thi
Be khatar reshmi baton mein uljhane wale
Yeh mohabbat mein chupi ghaat bhi ho sakti thi
Shab se wabasta meri zaat ko karne wale
Mujh se wabsta teri zaat bhi ho sakti thi
Guftagu bhi to na ho payi kabhi us se Batool
Baaton baaton mein woh ek baat bhi ho sakti thi

Fakhira Batool Urdu Ghazal

dhoup k roup main

 

Leave a Reply