Sad Poetry SMS By Wasi Shah On Ishq

Abhi to ishq mein esa bhi haal hona hai
Keh ashk rokna tum sey muhal hona hai

Har aik lab pe hein meri wafa ke afsany
Tiry sitam ko abhi la-zawaal hona hai

Baja ky khar hein lekin bahaar ki rut mein
Yeh teh hai ab ky humen bhi nehaal hona hai

Tumhen khabar hi nahein tum to laut jao gy
Tumhary hijar mein lamha bhi sal hona hai

Humari roh pe jab bhi aazab utren gy
Tumhari yaad ko is dil ki dhal hona hai

Kabhi to roye ga woh bhi kisi ki banhon mein
Kabhi to uski hansi ko zawaal hona hai

Milen gi hum ko bhi apny nasib ki khushean
Bas intezar hai kab yeh kamaal hona hai

Har aik shakhas chaly ga humari rahon par
Mohabbton mein humen woh misaal hona hai

Zamana jis ke gham-O-Pech mein ulajh jaye
Humari zaat oo esa sawaal hona hai

Wasi yaqeen hai mujh ko woh laut aaye ga
Usy bhi apny kiye ka malal hona hai

Beautiful Urdu Ghazal On Love

abhee to ishq main

Leave a Reply