Romantic Poetry SMS Sitary Mil Nahi Sakty

 Ajab din thay mohabbat ke

ajab mausam thay chahat ke

Kabhi gar yad aa jaen

To palkon par sitary jhilmilaty hein

Kissi Ki yad mein raton Ko

Aksar jagna mamool tha apna

Kabhi gar nind aa jati to hum yeh sochny lagty

Abhi to woh humary wasty roya nahin ho ga

Abhi soya nahin ho ga

Abhi hum bhi nahin roty

Abhi hum bhi nahi soty

So phir hum jagty thy aor us ko yad karty thay

Akely beth kar weeran dil aabad karty thay

Humary samny taron ke jhurmat mein

Akela chand hota thha

Jo us ke husn ke aagy bahot hi maand hota thha

Falak par raqs karty anginat roshan sitaron ko

Jo hum taeteeb dety thay

To us ka naam banta thha

Hum agly roz jab milty to

Guzri raat ki be kali ka zikar karty thay

Har ik qissa sunaty thay

Kahan kis waqat

Kis tarh dil dharka btaty thay

Main jab kehta keh

janan aaj to main raat ko ik pal nahin soya

to woh khamosh rehti thi

Par us ki nind mein dobi hoi do jheel si aankhen

Aachanak bol uthti then

Main jab usko btata tha keh

Main ne raat ko roshan sitaron mein

Tumhara naam dekha hai

To woh kehti Razi Tum jhot kehty ho

Sitary main ne dekhy thay

Aor un roshan sitaron mein tumhara naam likha tha

Ajab masoom larki thhi mujhy kehti thhi

Lagta hai

Keh ab apny sitary

Mil hi jaen gy

Magar us ko khabar kya thhi

Kinary mil nahi sakty

Mohabbat ki kahani mein

Mohabbat karny walon ke

‘Sitary’ mil nahi sakty

 Ajab Din Thay Mohabbat Ke By Razi Ud DinRazi

One Response

  1. Mohammad Arf June 19, 2011

Leave a Reply