Romanti Urdu Poertry SMS On Mohabbat

Mohabbat aos ki sorat

Piyasi pankhri ke honth ko seraab karti hai

Gulon ki aasteenon mein anokhy rang bharti hai

Seher key jhatpaty mein gungunati muskurati jagmagati hai

Mohababt key dinon mein dasht bhi mehsus hota hai

Kisi firdos ki sorat

Mohabbat aos ki sorat

Mohabbat abar ki sorat

Dilon ki sarzamin mein peh ghir key ati aor barasti hai

Chaman Ka zara zara jhomta hai muskurata hai

Azal ki benamo mati mein sabza sar uthata hai

Mohabbat unko bhi aabad aor shadaab karti hai

Jo dil hai qabr ki surat

Mohabbat abr ki sorat

Mohabbat aag ki sorat

Bujhy sinon mein jalti hai to dil bedaar hoty hai

Mohabbat ki tapish mein kuch ajab israar hoty hei

Keh jitna yeh dehakti hai uroos-e-jan mehekti hai

Dilon ky sahilon peh jama hoti aor bikharti hai

Mohabbat jhaag ki sorat

Mohabbat aag ki sorat

Mohabbat khawab ki sorat

Nigahon mein utarti hai kisi mahtaab ki sorat

Sitary aarzo ke is tarh se jagmgaty hein

Keh pehchani nahin jati dil-e-be taab ki sorat

Mohabbat key shajar peh khawab key panchi utarty hein

To shakhen jaag uthti hai

Thaky hary sitary jab zameen sey baat karty hein

To kab ki muntazir aankhon mein shamen jaag uthti hein

Mohabbat un mein jalti hai charagh-e-aab ki sorat

Mohabbat khawab ki sorat

Mohabbat dard ki sorat

Guzashta mausmon ka astaarah ban key rehti hai

Shaban-e-hijar mein roshan sitara ban key rehti hai

Mundair par charaghon ki looen jab thar tharaati hein

Nagar mein na umeedi ki hawaen sansnati hein

Gali mein jab koi aahat koi saya nahin rehta

Dukhy dil key liy jab koi bhi dhoka nahin rehta

Ghamon key bojh sey jab tootny lagty hein shany to

Yeh un peh haath rakhti hai

Kisi humdard ki sorat

Guzar Jaty hein sary qafly jab dil ki basti sey

Fiza mein terti hai dair tak

Yeh garad ki sorat

Mohabbat dard ki sorat

Mohabbat piyas ki sorat

Mohabbat aag ki sorat

Mohabbat aas ki sorat

Full Nazam Mohabbat Aos Ki Sorat

muhabbat aos kee sourat

Leave a Reply