Poetry Aaj Phir Bad-e-Baharan Ne Mery Kanon Mein

Aaj phir bad-e-baharan ne mery kanon mein

Chupky chupkay se tery any ka pocha mujh se

Pocha sandesa koi chithi koi ai hai?

Gungnaty hoye jharnon ne zara tham tham ke

Poocha sajan ki khabar kahen pai hai

Aj phir ratjaga aangan mein mery utry ga

Aaj phr nind ki dewi mera ghar bhooly gi

Aj phir chand ka yeh un chhooa talism

Mujhy dekhy ga to bas dekhta reh jaye ga

Romantic Urdu Poetry On Sajan

By Fakhira Batool

Aaj phir bhor baye tak teri baten khud se

Apni tanhai se karti chali jaon gi

Aaj phir birha ki maari hoi badli koi

Meri aankhon mein jo jhanky gi to thithak jaye gi

Aaj phir dair talak dair talak dair talak

Tu nah aye ga teri yaad chali aye gi

Leave a Reply