Perveen Shakir Romantic Poetry SMS

Teri khushboo ka pata karti hai
Mujh pey ehsaan hawa karti hai

Choom kar phool ko aahista sey
Moajza bad-e-saba karti hai

Khol kar band qaba gul key hawa
Aaj khushbo ko riha karti hai

Abar barsy to aanayat uski
Shakh to sirf duaa karti hai

Hum ney dekhi woh ujli saat
Raat jab shair kaha karti hai

Shab ki tanhai mein ab to aksar
Guftagu tujh sey raha karti hai

Dil ko us rah pey chalna hi nahin
Jo mujhey tujh sey juda karti hai

Zindagi meri thi lekin ab to
Terey kahney mein raha karti hai

Us ney dekha hi nahin warna yeh aankh
Dil ka ahwal kaha karti hai

Mushaf-e-dil mein ajab rangon mein
Aik tasveer bana karti hai

Beniyaz-e-kaf-e-dariya angusht
Rait par naam likha karti hai

Dekh tu aan kar chehra mera
Ik nazar bhi tiri kya karti hai

Zindgi bhar ki yeh takheer apni
Ranj milny ka siwa karti karti hai

Shaam partey hi kisi shakhs ki yaad
Kucha-e-jaan mein sada karti hai

Mujh sey bhi us ka hai wesa hi sulook
Haal jo tera ana karti hai

Dukh hoa karta hai kuch aor biyan
Baat kuch aor hoa karti hai

Teri Khushboo Ka Pata Karti Hai

teri khushbou

Leave a Reply