Noshi Gilani Urdu Ghazal Dil Mera Ek Kitab Ki Surat

Dil mera ik kitab ki surat

Jis mein woh hai ik gulab ki surat

Hum se pocho keh hum guzaar aey

Zindagi ko aazab ki surat

Husan kachy ghary ka shedai tha

Ishq moj-e-chanab ki surat

Ishq mein is tarah nahin hota

Yeh nahin hai nisab ki surat

Main kari dopaher ki tanhai

Woh shab-e-mehtab ki surat

Poochta hai keh meri ghazlon mein

Kon hai iztarab ki surat

Main wafa ki wohi purani kitab

Woh naye intesab ki surat

Jo nahin kar saky kabhi woh sawal

Us ne likha jawab ki surat

Urdu Romantic And Love Poetry

dil mera ik kitab

2 Comments

  1. fatima khan April 19, 2011
  2. fatima khan April 19, 2011

Leave a Reply