Nasir Kazmi Urdu Ghazal For SMS

Gaye dinon ka soragh ly kar kidhar sy aaya kidhar gaya woh
Ajib manus ajnabi tha mujhy to heran kar gaya woh

Khushi ki rut ho ya gham ka mausam nazar usy dhondhti hai har dam
woh booey gul tha keh naghma-e-jaan mery to dil mein utar gya woh

Bas aik moti si chab dikha dikha kar ik meethi si dhun suna kar
Sitar-e-Sham ban kar aya barang-e-Khawab-e-Sehar gaya woh

Kuch ab sanbhlny lagi hai jan bhi badal chala rang-e-aasman bhi
Jo raat bhari thi tal gai hai jo din kara tha guzar gya woh

Shakista pa khara hon rahon mein gaye dinon ko bula raha hon
Jo qafla mere humsafar tha bemisal-e-gard-e-safar gaya woh

Nah ab woh yadon ka charta darya nah fursaton ki udaas barkha
Bas zara si kasak hai dil mein jo zakham gehra tha bhar gya woh

Woh mekady ko jagany wala woh raat ki nind urany wala
Yeh kya aj us ke dil mein aai keh shaam hoth hi ghar gya woh

Woh jis ke shany pe hath rakh kar safar kia tu ny manzilon ka
Teri gali se najany keyon aaj sar jhuka kar guzar gya woh

Woh hijar ki raat ka sitara woh humnafs hum sukhan humara
Sada rahy naam uska piyara suna hai kal raat mar gaya woh

Woh raat ka benawa musafir woh tera shair woh tera Nasir
Teri gali tak to hum ne dekha phir nah jany kidhar gaya woh

Gaye Dinon Ka Soragh Le Kar

gaye dinon ka suragh

Leave a Reply