ye dil yeh pagal dil mera keon bujh gaya awargi
Is dasht mein ik shehar tha wo kya hua awargi
Kal shab mujhy be-shakl si awaz ny chaunka dia
Main ny kaha tu kon hai us ny kaha awargi
Ik tu keh sadiyon sy miry humrah bhi hamraz bhi
Ik main keh tery naam sey na ashna awargi
yeh dard ki tanhaiyan yeh dasht ka wiran safr
Hum log to ukta gaye apni suna awargi
Ik ajnabi jhonky ney jab pocha mery gham ka sabab
Sehra ki tapti rait par main ne likha awargi
ley ab to dasht-e-shab ki sari wusaten sony lagen
Ab jagna hoga hamen kab tak bata awargi
kal rat tanha chand ko dekha tha main ney khwab mein
‘Mohsin’ mujhy ras aa gai shayad sada awargi
Best and Famous Urdu Poetry On Dil
 In Urdu){kind=link}