Muhsin Naqvi Poetry Abr Barsa Na Hawa Taiz Chali Hai Ab Ke

  Abr Barsa Na Hawa Taiz Chali Hai Ab Ke

 Kitni Veeran Teri Yaadon Ki Gali Hai Ab Ke

 Subha Ki Dhoop Utar Aai Mere Balon Main

Shab Dhali Hai Ke Meri Umr Dhali Hai Ab Ke

Kya Kahoon Kitne Bahanon Se Bhulaya Hai Usay

 Ye Qayamat Bari Mushkil Se Tali Hai Ab Ke

Ye Meri Aankh Ke Kashkol Main Aansu Chamka

Ya Andheray Main Koi Shama Jali Hai Ab Ke

Sehn e Gulshan Ki Hawa Hai Keh Qaza Ki Dastak

Kitni Sehmi Hui Aik Aik Kali Hai Ab Ke

Dhoondti Hai Bhari Barsat Main Bijli Ka Suragh

Woh Jo Ik Shaakh Keh Phuli Na Phali Hai Ab Ke

Kis Ko Fursat Hai Dhuwan Dekhne Jaye Mohsin

Jhompri Shehar Se Kuch Door Jali Hai Ab Ke

Sad Ghazal On Yaadain In Urdu

Leave a Reply