Mirza Assadullah Khan Ghalib’s Poetry SMS

Koi umid bar nahin aati
Koi surat nazar nahin aati

Mout ka aik din moayan hai
Nind keyon raat bhar nahin aati

Aagy aati thi hal-e-dil py hansi
Ab kisi baat par nahin aati

Janta hoon sawab-e-taat-o-zehd
Par tabiyat idhar nahin aati

Hai kuch aesi hi baat jo chup hoon
Warna kya baat kar nahin aati

Keyon na chikhon keh yad karty hein
Meri aawaz gar nahin aati

Daag-e-dil gar nazar nahin aata
Boo bhi aey chara-e-gar nahin aati

Hum wahan hein jahan sey hum ko bhi
Kuch humari khabar nahin aati

Marty hein aarazu mein marne ki
Mout aati hai par nahin aati

Kaaby kis monh sey jaao gy ‘Ghalib’
Sharam tum ko magar nahi aati

Koi Umeed Bar Nahin Aati

koi umeed bar nahi aati

Leave a Reply