Milti Hai Khu-e-Yaar Se Naar Iltihaab Mein By Mirza Ghalib

Milti hai khu-e-yaar se naar iltihaab mein
Kafir hon gar nah milti ho rahat azaab mein

Kab se hon kya bataon jahan-e-kharab mein
Shabhaye hijr ko bhi rakhon gar hisab mein

Taa phir nah intezaar mein nind aaye umar bhar
Aany ka ehad kar gaye aaey jo khawab mein

Qasid ke aty aty khat aik aorr likh rakhon
Main janta hon jo woh likhen ge jawab mein

Mujh tak kab unki bazm mein ata tha dor-e-jaam
Saaqi ne kuch mila nah diya ho sharab mein

Jo munkir-e-wafa ho faraib us pe kya chaly
Keyon badguman hon dost se dushman k baab mein

Main muztarib hon wasl mein khof-e-raqib se
Daala hai tumko weham ne kis pech-o-taab mein

Mai aor khat-e-wasl khuda saz baat hai
Jaan nazar deni bhool gaya iztirab mein

Hai tewri charie hoi andar naqaab ke
Hai ik shikan pari hoi tarf-e-naqab mein

Lakhon lagao ik churana nigah ka
Lakhon banao ik bigarna ataab mein

Woh naala-e-dil mein khas ke barabar jagah na paye
Jis naly se shigaf pary aftaab mein

Woh sehar mudaa talbi mein nah kaam aye
Jis sehar se safina ravaan ho saraab mein

Ghalib chuth-e-sharab par ab bhi kabhi kabhi
Pita hon roz-e-abr-o-shab-e-mahtab mein

Romantic Poetry In Urdu On Hussn

milti hai khou e yaar

Leave a Reply