Husan ko sar ka taj kehty hein
Hum mohabbat ko raj kehty hein
Ishaq koi marz nahin hai isy
Aap keyon lailaj kehty hein
Hum to is zindgi ko rahat aor
Gham ka imtezaj kehty hein
Hum se to ishaq bhi nah ho paya
Log ashiq mazaj kehty hein
Urdu Poetry On Mohabbat
Us ki zulfon ko hum kahen zulmat
Aor rukh ko siraj kehty hein
Us ko berahm aor jafa parwar
Kal nah kehty the aaj kehty hein
Kitny berehm hein jo be bas ki
Chup ko bhi ehtajaj kehty hein
Jis ka qabza hai dil pe Asim
Us ko bhi samraj kehty hein
