Koi Dhundla Sa Ik Chehra Meri Aankhon Mein Rehta Hai Poetry

Koi dhundla sa ik chehra meri aankhon mein rehta hai
Koi bahtka sa ik Jugno meray Khabon mein rehta hai

IK manos si aawaz mujhy sony nahin deti
Koi uljja sa ik jumla meri yadon mein rehta hai

Hai kis ke shabnami aanchal ki Khusbu ab talk mujh mein
Koi ehsas mehka sa meri sanson mein rehta hai

Mujhy khud par nahin qaboo nah main kuch bol sakta hOn
Asar yeh kis k lafzon ka meri baaton mein rehta hai

December ki khank raten mujh ko bechain rakhti hai
Lums ik haath ka ab tak meri sochon mein rehta hai

Hai dil bhi muztarib ehsaas bhi sochon ki Uljhan bhi
Yeh kis ki aankh ka Ansu meri aankhon mein rehta hai

Romantic Urdu Poetry By Wasi Shah

koi dhundla sa

Leave a Reply