Hazaron Dukh Paren Sehna Poetry SMS

Hazaron dukh paren sehna mohabbat mar nahin sakti
Hai tum say bas yehi kehna mohabbat mar nahin sakti

Tira har baar mery khhat ko parhna aor ro dena
Mira har baar likh dena mohabbat mar nahin sakti

Kia tha hum ne campus ki nadi par ik hasin waada
Bhaly hum ko pary marna mohabbat mar nahin sakti

Jahan mein jab talak panchi chehkty urty phirty hein
Hai jab tak phool ka khilna mohabbat mar nahin sakti

Purany ehad ko jab zinda karny ka kheyal aaey
Mujhy bas itna likh dena mohabbat mar nahin sakti

Woh tera hijar ki shab phone rakhny se zara pehly
Bahot roty hoey kehna mohabbat mar nahin sakti

Purany rabton ko phir naey Waady ki khwahish hai
Zara ik baar to kehna mohabaat mar nahin sakti

Gaye lamhaat fursat ke kahan se dhondh kar laon
Woh pehron hath par likhna mohabbat mar nahin sakti

Romantic Urdu Ghazal On True Love

Leave a Reply