Farhat Abbas Shah Poetry Sab Se Juda Lagti Ho

Sab main shamil ho magar sab sey juda lagti ho
Sirf hum sey nahi khud sey bhi khafa lagti ho
Aankh uth’ti hay na jhukti hay kisi ki khatir
Saans charhti hay na rukti hay kisi ki khatir
Jo kisi dar pe na thehrey wo hawa lagti ho
Zulf lehraai to aanchal main chuhpa leti ho
Hont thar’raain to dantoon main daba leti ho
Jo kabhi khul k na barsey wo ghata lagti ho
Jaagi jaagi nazar aati ho na soi soi
Tum jo apney khayalat main khoi khoi
Kisi mayoos mussawir ki duaa lagti ho

Romantic Urdu Poetry On Ghhatta

sab main shamil ho

Leave a Reply