Faiz Ahmed Faiz Nazm Is Tarh Hai Keh Har Ik Pair

Is tarah hai keh har ik pair koi mandar hai

Koi ujrha hoa be noor purana mandar

Dhondata hai jo kharabi ke bahany kab se

Chaak har baam har ik dar ka dam-e-akhir hai

Aasman koi parohat hai jo har baam tale

Jism par rakh maly mathy pe sandor male

Sar nigon baitha hai chup chap nah jany kab se

Is tarah hai keh pas-e-parda koi sahir hai

Jis ne aafaq pe phailaya hai yon sahar ka daam

Daman-e-waqt se pewast hai yon daman-e-shaam

Ab kabhi shaam Bujhy gi na andhera ho ga

Ab kabhi raat dhalay gi nah sawera ho ga

Asman aas liy hai keh yeh jadu tooty

Chup ki zanjir katy waqat ka daaman chooty

Day koi sankh dohai koi payel boly

Koi but jagy koi sanwali ghongat kholy

Sad Urdu Poetry On Hope


Leave a Reply