Skip to content

Meri Urdu

Its All about Entertainment

Archive

Category: Aitbar Sajid

Tum ko to yeh sawan ki ghata kuch nahin kehti
Hum sokhta logon ko yeh kya kuch nahin kehti

Ho lakh koi shor machata hoa mausam
Dil chup ho to bahir ki fiza kuch nahin kehti

Kiyon rait pe bethy ho jhukaye hoye sar ko
Kya tum ko samandr ki hawa kuch nahin kehti

Sad Urdu Poetry On Mausam

Love Poetry

Pochha keh shikayat to nahin hai usy hum se
Ahista se qasid ne kaha kuch nahin kehti

Pochha keh judai ka koi hal bhi nikala
Qasid ne dobara yeh kaha kuch nahin kehti

Ay nukta-e-dard yeh to btao keh sar-e-shab
Kya shama frozan se hawa kuch nahin kehti

Chahaton ke besamar besood Khawabon mein rakha
Omar bhar na haq tu ny mujhy srabon mein rakha

Kya mila tujh ko meri mati jo ki tu ne kharab
Kiyon tu ne mujhy tamana ke azabon mein rakha

Ik ridaye waada farda ki dilkash aardh mein
Khawab janat ke dikhaye aor kharabon mein rakha

Urdu Poetry On Saraab

Sad PoetryRooh ko hum kharzaron mein liy phirty rahy
Jaan -o-dil ko mubtela kitny azabon mein rakha

Ik dil zindh ko pathar ki sil mein rakh dia
Ik gul-e-shadab ko murdh kitabon mein rakha

Ay qaza parwar yeh tu ne mery sath kya kia
Ay ajl-e-pesha mera dukh kin hisabon mein rakha

Kitni badal chuki hai rut jazby bhi woh nahin rhy
Dil pe tery firaq ke sadmy bhi woh nahin rhy

Mehfil shab mein guftego ab ke hoi to yeh khula
Baten bhi woh nahin rahen lehjy bhi woh nahin ahy

Huliye badal ke rakh diy jesy shab-e-firaq ne
Aankhen bhi woh nahin rahen chehry bhi woh nahin rahy

Urdu Poetry On Sadmaat-e-ishq

Aitbar Sajid

Uska mah-e-jmaal bhi goya gharoob ho chala
Apny wafoor-e-shoq ke charchy bhi woh nahin rahy

Hosh-o-khurd gnwa chuky khud se bhi door ja chuky
Log jo tery the kabhi apny bhi woh nahin rahy

Yeh bhi hoa keh tery baad shoq-e-safr nahin raha
Jin pe bichy hoye the dil rasty bhi woh nahin rahy

Meri rooh mein jo utar sken woh muhabbaten mujhy chahian
Jo sarab hon nah azaab hon woh rifaqten mujhy chahian

Unhi saaton ki talash hai jo kelandaron se utr gaen
Jo samy ke sath guzr gaen wohi fursaten mujhy chahian

Kahen mil saken to smait la mery roz-o-shab ki kahaniyan
Jo ghubaar-e-waqt mein chhup gaen woh hkaeten mujhy chahian

Love Poetry On Furqat

Sad Poetry

Jo meri shabon ke charagh the jo meri umeed ke bagh the
Wohi log hein meri arzoo Wohi soorten mujhy chahian

Teri qurbaten nahin chahian meri shairi ke mizaj ko
Mujhy faslon se dowam de teri furqaten mujhy chahian

Mujhy aor kuch nahin chahey Yeh duaaen hein mery saibaan
Kari dhoop mein kahen mil saken to yehi chhaten mujhy chahian

Kash meri koi baiti hoti

Bas main us se itna kehta

Dekho meri chand si gurya

Har dam

Har pal

Tum khush rehna

Tanhai ke dukh mat sehna

Aor agr aisi mushkil ho

Chup mat rehna

Mujh se kehna

Han main tumhary dukh ka madawa

Kar skta hon

Love Poetry For Daughter

Urdu Poetry

Tum ko khush rakhny ki khatir

Main

Qiston mein mar sakta hon

Jis ko apni god mein pala

Us ke aansoo

Main apni be aab aankhon mein

Bhar sakta hon

Han main aisa kar skta hon

Kash meri koi baiti hoti

December 2014
M T W T F S S
« Nov    
1234567
891011121314
15161718192021
22232425262728
293031