Jo tum ny thaan hi li hai
Humare dil se niklo gey
To itna jaan lo pyary
Wafa ki serihiyon per qadam phaila hoa
Yeh aarzoon ka lahu zaya na jay ga
Samandaar samney hoga agar sahil sy niklo gey!
Sitaaray, jin ki aankhon ny humein ek sath daikha tha,
Gawahi dene aein gey!
Puraney kaghazoon ki balkooni sy bahot sy lafz jhanken gey
Tumhien wapis bulaein gey,
kei waadey, fasadi qarz khwahon ki tarha rastey mein roken gey
Tumhein daman se pakrein gey
Tumhari jan khain gey!
Chhupaa kar kis tarha chehra
bhari mehfil sy niklo gey!
Zara phir soch lo janan
Nikal to jao gey shayad
Magar mushkil se niklo gey!

Bewafai Ki Mushkilein Urdu Nazm