Amjad Islam Amjad’s Nazm SMS

Apny Ghar Ki Khirki Say Aasmaan Ko Dekhon Ga
Jis Par Tera Naam Likha Hai Us Taary Ko Dhundon Ga

Tum Bhi Har Shab Dia Jala Kar Palkon Ki Dehliz Pe Rakhna
Main Bhi Rooz Aik Khawab Tumhary Sheher Ki Janib Bhejon Ga

Hijar Ke Darya Mein Tum Parhna Lehron Ki Tahriren Bhi
Pani Ki Har Satar Pe Main Kuch Dil Ki Baaten Likhon Ga

Jis Tanha Se Pair Ke Nichy Hum Barish Mein Bheegy Thy
Tum Bhi Us Ko Chhoo Ke Guzarna  Main Bhi Us Se Lipton Ga

Khowab Musafir Lamhon Ke Hein Sath Kahan Tak Jaen Gay
Tum Ne Bilkul Theek Kaha Hai Main Bhi Ab Kuch Sochon Ga

Badal Oorh Ke Guzron Ga Main Tery Ghar Ke Aangan Se
Qos-e-qaza Ke Sab Rangon Mein Tujh Ko Bheega Dekhon Ga

Raat Gaye Jab Chand Sitary Lukan Meeti Khelen Gy
Aadhi Nind Ka Sapna Ban Kar Main Bhi Tum ko Chhoo Loon Ga

Be Mausam Barish Ki Soorat Dair Talk Aor Door Talak
Tery Deyar-e-hussn Pe main Bhi Kin Min Kin Min Barson Ga

Sharam Se Dohra Ho Jaye Ga Kan Para Woh Bunda Bhi
Bad-e-saba Ke Lehjy Mein Ik Baat Main Aisi Poochon Ga

Safha Safha aik Kitaab-e-hussn Si Khilti Jaye Gi
Aur Usi Ko Lo Mein Phir Mein Azbar Kar Lon Ga

Waqt Ke Ik Kankar Ne Jis Ko Akson Mein Taqseem Kia
Aab-e-rawan mein Kesy amjad Ab Woh Chehra Joron Ga

Most Romantic Poetry On Love

apnay ghar kee khirki

Leave a Reply