Ameer Ul Islam Hashmi’s Nazm

Dehkaan to mar khap gya ab kis ko jgaon
Milta hai kahan khosha-e-gandam keh jalaon

Shaheen ka hai gumbad shahi pey basera
Kanjshak faromaya ko ab kis se laraon

Iqbal tery dais ka kya haal sunaon

Har dahri mein tinka hai har ik aankh mein shehteer
Momin ki nigahon se badalti nahin taqdeer

Toheed ki talwar se khali hai niyamen
Ab zoq-e-yaqeen se nahin katti koi zanjeer

Iqbal tery dais ka kya haal sunaon

Shaheen ka jahan aaj girgis ka jahan hai
Milti hoi mulla sey mojahid ki azan hai

Mana keh sitaron se koi bezar nahi hai
Shaheen mein magar taqat-e-parwaz kahan hai

Iqbal tery dais ka kya haal sunaon

Be baqi-o-haq goi se ghabrata hai momin
Makkari-o-robahi pe Itraata hai momin

Jis rizq se parwaz mein Kotahi ka dar ho
Woh rizq ab bary shoq se Khaata hai momin

Iqbal tery dais ka kya haal sunaon

Peda kabhi hoti thi sahr jis ki azan se
Is banda-e-momin ko mein ab laon kahan se

Woh sajda zameen jis se laraz jati thi yaro
Ik bar tha hum jis se chhat gaye hum yaro

Iqbal tery dais ka kya haal sunaon

Jhagry hein yahan sobon ke zaton ke nasab ke
Ugty hein teh-e-saya gul khar ghazab ke

Yeh dais hai sab ka magar iska nahi koi
Is ke tan khasta pe ab dant hein sab ke

Iqbal tery dais ka kya haal sunaon

Mahmoodon ki saff aaj ayazon se pary hai
Jamhoor se sultani jamhoor dary hai

Thamy hoey daman hai yahan par jo khudi ka
Mar mar ky jiye hai kabhi ji ji ke mary hai

Iqbal tery dais ka kya hal sunaon

Dekho to zara mehlon ke pardon ko utha kar
Shamshir-o-sanan rakhi hein taqon pe saja kar

Aty hein nazar masnad shahi pe rangeely
Taqdeer umam so gai taoos pe aa kar

Iqbal tery dais ka kya haal sunaon

Makkari-o-ayari-o-ghadari-o-hijan
Ab banta hai in char annasir se insan

Qari isy kehna to bari bat hai yaro
Is ny to kabhi khol ke dekha nahi Qurran

Kirdaar ka guftar ka aamal ka momin
Qail nahin esy kisi janjal ka momin

Sarhad ka hai momin Koi bangal ka momin,
Dhoondy se bhi milta nahin Quraan ka momin

Iqbal tery dais ka Kya haal sunaon

Iqbal Tere Dais Ka Kya Haal Sunaon

Leave a Reply