Allama Iqbal’s Famous Poem Shikwa in Urdu

Keyon ziyan  kar banon   sood framosh  rahon

Fikr-e-farda nah  kron mehv-e-gham dosh rahon

Naly bulbul ke sunon aor hmma tan  gosh rahon

Humnawa main bhi koi gul hon keh khamosh rahon

Juraat aamoz miri tab-e-sukhan hai mujko

Shikwa allah se khakim badhan   hai mujh ko

Hai baja shewa-e-tasleem mein mashhoor hein hum

Qisa-e-dard  unaty hein  keh  majboor hein hum

Saaz khamosh hein faryad se maamoor hein hum

Nala aata hai agar lub pe to mazoor hein hum

Aay khuda shikwa-e-arbab-e-wafa bhi sun le

Khugar-e-hamd se thora sa gila bhi sun le

Thee to mojood azal se hi teri zaat-e-qadeem

Phool tha zaib-e-chman per na thi pareshan shameem

Shart-e-insaf hai aay sahib-e-altaf-e-ameem

Boo-e-gul phailti kis tarah se jo hoti na naseem

Hum ko jamiat-e-khatir yeh preshani thi

Warna ummat teray mehboob ki deewani thi

Hum se pehly tha ajab tery jahan ka manzar

Kahin masjood thy pathar kahin mabood shjar

Khugar-e-paiker-e-mehsos thi insan ki nazar

Manta phir koi un dhekhy khuda ko keyon kar

Tujh ko maloom hai leta tha koi naam tera

Qowat-e- bazoo-e-muslim ne kia kaam tera

Bus rhay thy yaheen saljook bhi torani bhi

Ehl-e-cheen cheen main iran mein sasani bhi

Isi maamoray mein abad thy yonani bhi

Isi dunya mein yahodi bhi thy nasrani bhi

Par tery naam pe talwar uthaai kis ne

Baat jo bigry hoye thi woh bnai kis ne

Thay hamen tery marka aaraon mein

Khushkeon mein kabhi larty kabhi daryaon mein

Deen azanen kabhi europe ke kalisaon mein

Kabhi africa ke tapty hoye sehraon mein

Shan aankhon mein nah jachti thi jahandaron ki

Kalma parhty thy hum chhaaon mein talwaroon ki

Hum jo jeety thy to jugnon ki musibat k liy

Aor marty thy tery naam ki azmat k liy

Thi nah kuch taigh zani apni hakomat k liy

Sar bkaf phirty thy kya dehr mein dolat k liy

Qaum apni jo maal-zar-e-jahan par marti

But faroshi ke iwaz but shikni keyon karti

Tal nah sakty thy agar jang mein aar jaty thy

Paon shair ke bhi maidaan se ukhar jaty thy

Tujh se sarkash howa koi to bigar jaty thy

Taigh kya cheez hai hum top se lar jaty thy

Naqsh toheed ka har dil pe bithaya hum ne

Zair-e-khanjar bhi yeh paighaam sunaya hum ne

Tu hi keh de keh ukhara dar-e-khaibar kis ne

Shehar qaisar ka jo tha us ko kia sar kis ne

Tory makhlooq-e-khudawandon ke paiker kis ne

Kaat kar rakh diye kuffaar ke lashkar kis ne

Kis ne thanda kia aatish kda-e-iran ko

Kis ne phir zinda kia tazkra-e-yazdan ko

Kon si qom faqt teri talabgar hoi

Aor tery liy zehmat-e-kash-e-paikaar hoi

Kis ki shamshir jahan geer-o-jahan daar hoi

Kis ki takbir se dunya teri baidaar hoi

Kis ki haibet se sanam sehmy hoye rehty thy

Monh ke bal gir ke hu wa allah ho ahad kehty thy

Aa gya ain lrai mein agar waqt-e-namaz

Qibla ro ho ke zamin bos hoi qom-e-hijaz

Aik hi saf mein khry ho gaye mehmood-o-ayaz

Nah koi banda raha aor nah koi banda nawaz

Banda-o-sahib-o-mohtaaj-o-ghani aik hoye

Teri sarkar mein to sbhi aik hoye

Mehfil-e-kon-o-makan mein sehar-o-shaam phiry

Maye toheed ko le kar sehar-o-shaam phiry

Koh mein dashat mein le kar tera paigham phiry

Aor maloom hai tujh ko kabhi nakaam phiry

Dasht to dasht hein derya bhi nah chory hum ne

Behar-e-zulmat mein dora diay ghory hum ne

Safha-e-dahar se batil ko mitaya hum ne

No-e-insan ko ghulami se churaya hum ne

Tery kaab-e-ko jabeenon se bsaya hum ne

Tery quran ko seeny se lgaya hum ne

Phir bhi hum se ye gila hai k wfadar nahi

Hum wfadar nahi tu bhi to dildar nahi

Tujh ko chora keh rasool-e-arbi ko chora

But gari pesha keh but shikni ko chora

Ishq ko ishq ki aashfta sari ko chora

Rasm-e-sulman-o-awais qarni ko chora

Aag takbir ki seenon mein dabi rakhty hein

Zindagi masl-e-bilal-e-habshi rakhty hein

Ishq ki khair woh pehli si ada bhi na sahi

Jada-e-pemani tasleem-o-raza bhi nah sahi

Muztarib dil qibla numa bhi nah sahi

Aur pabandi-e-aain-e-wafa bhi nah sahi

Kabhi hum se kabhi ghairon se shnasai hai

Baat kehny ki nahin tu bhi to harjai hai

Sur-e-faran pe kia deen ko kamil tu ne

Ik ishary mein hzaron ke liy dil tu ne

Aatish andoz kia ishq ka hasil tu ne

Phoonk di garmi-e-rukhsar se mehfil tu ne

Aaj keyon seeny mein humary shrar abad nahin

Hum wohi sokhta saman hein tujhy yaad nahin

Wadi-a-najd mein woh shoor-e-slasal nah rha

Qais deewana-a-nzara-a-mahmal nah rha

Hosly woh nah rahy hum nah rahy dil nah raha

Ghar yeh ujra hai keh tu ronq-e-mefil nah raha

Aay khush aan roz keh aai-o-basad naz aai

Be hijabana soo-a-mehfil ma baz aai

Bada kash ghair hein gulshan mein lub-e-joo bethy

Sunty hein jaam bkaf naghma ku ku bethy

Dor-e-hungama gulzar se yak soo bethy

Tery deewany  bhi hein muntazar-e-hu bethy

Apny derwanon ko phir zoq-e-khud-afrozi de

Bark-e-daireena ko farman-e-jigr sozi de

Qoum-e-awara anan taab hai phir sooay hijaz

Le ura bulbul be par ko  mzaq-e-perwaz

Muztrib bagh k har ghunchy mein hai booay niaz

Tu zara chair to de tshna-e-mazrab hai saz

Naghmy betaab hein taaron se nikalny ke liy

Toor muztir hai isi aag mein jalny ke liy

Mushkilen ummat-e-marhoom ki asan kar de

Mor-e-be maya ko humdosh-e-suleman kar de

Jins-e-nayab-e-mohabat ko arzan kar de

Hind ke dair nashinon ko muslaman kar de

Boo-e-khoon mi chakdaz hasrat derina maa

Mi tapd nala beh nashtar kada seena maa

Boo-e-gul le gai bairoon-e-chman raaz-e-chman

Kya qiyamat hai keh phool hein ghmaz-e-chman

Ehd-e-gul khtam howa toot gya saz-e-chman

Urr gaye dalyon se zamzama  parwaz-e-chman

Aik  bulbul  hai k mehav-e-trannum hai ab tak

Us ke seeny mein naghmon  ka  tlatum  hai  ab  tak

Qamarian  shakh-e-snobar se gurezaan  bhi  hoen

Patiyan phool se  jhar jhar  ke  preshan  bhi  hoen

Woh  porani  rawishen  bagh  ki  weran  bhi  hoen

Daalyann pairhan-e-barg se  ooriyan bhi  hoen

Qaid mausam si tabiyat  rahi  azad  us  ki

Kash  gulshan  mein  samjhta koi  faryad  us  ki

Lutf  marny  mein  hai  baqi  na  maza  jeeny

Kuch  maza hai to  yehi  khoon-e-jigar  peeny  mein

Kitny betab hein  johar  mery  aainy  mein

Kis  qadar  jalway  trapty  hein mery  seeny  mein

Is  gulistan  mein  mgar  dekhny  waly  hi  nahin

Daagh  jo  seeny  mein  rakhty  hon  woh  laaly  hi  nahin

Chaak  is  bulbul-e-tanha  ki  nawa  se  dil  hon

Jagny  waly  isi  baang-e-dra  se  dil  hon

Yani  phir  zinda  naye  ehad-e-wafa  se  dil  hon

Phir  isi  bada-e-dereena  ke  piasy  dil  hon

Ajmi  kham  hai to  kya  may  to  hijazi  hai miri

Naghma  hindi  hai  to  kya  lay to  hijazi  hai  miri

Urdu Poetry Majestic With God

Leave a Reply