Nahin minat kash-e-taab-e-shanidan dastan meri
Khamoshi guftagu hai be zubani hai zuban meri

ye dastor-e-zuban-bandi hai kesi teri mahfil mein
yahan to baat karny ko tarasti hai zuban meri

Uthay kuch waraq laly ne kuch nargis ne kuch gul ne
Chaman mein har taraf bikhri hoi hai dastaan meri

Ura li kumariyon ne totiyon ne andlibon ne
Chaman walon ne mil kar loot li tarz-e-fugan meri

Tapak ay shama anso ban ke parwany ki ankhon se
Sarapa dard hon hasrat bhari hai dastan meri

Ilahi phir maza kya hai yahan dunya mein rahny ka
Hiyat-e-jawidan meri nah marg-e-nagahan meri

Mira rona nahin rona hai yeh sary gulistan ka
Woh gul hon mein khizan har gul ki hai goya khizan meri

Tasveer-e-dard Nazm By National Poet Of Pakistan