Akhri Khat Poetry SMS By Faiz Ahmad Faiz

Woh waqt meri jaan boht door nahin hai
Jab dard se ruk jaen gi sab zeest ki raten

Aor had se guzr jaey ga andoh-e-nahani
Thak jaen gi tarsi hoi nakam nigahen

Chhin jaen ge mujh se mery aansoo meri aahen
Chhin jaye gi mujh se meri bekar jwani

Shayad miri ulfat ko bahot yaad kro gi
Apny dil maasoom ko nashad kro gi

Aao gi meri gor pe tum ashak bahany
No khez baharon ke naye phool charhany

Sad Urdu Poetry On Zeest Ki Raat

woh waktShayad meri turbat ko bhi thukra ke chalo gi
Shayad meri besood wafaon pe hanso gi

Is wuzaa karam ka bhi tumhen paas nah ho ga
Lekin dil-e-nakam ko ehsas nah ho ga

Alqisa maal-e-gham ulfat pe hanso tum
Ya ashak bahati raho faryad karo tum

Mazi pe ndamat ho tumhen ya keh musart
Khamosh para soye ga damanda ulfat

Leave a Reply