Ahmad Faraz Urdu Poetry

Yeh tabiyat hai khud aazar ban jaen ge hum
Chara gar roen ge aor gham khawar ban jaen ge hum

Hum sar chak wfa hein aor tera dast-e-hunr
Jo bna de ga humen ay yaar ban jaen ge hum

Sakhat jaan hein magr humari ustawari par nah ja
Aesa toten ge tera iqrar ban jaen ge hum

Aor kuch din aa leny do koye janan mein humen
Rfta rafta sayae deewar ban jaen ge hum

Sad Poetry On Shakh-e-Gul

yeh tabiyat hai khudIs qadar asaan nah ho gi har kisi se dosti
Aashnai mein tera miyaar ban jaen ge hum

Meer-o-ghalib kya keh ban paye nahin Faiz-o-fraq
Zaam pe tha Romio ataar ban jaen ge hum

Dekhny mein shakh-e-gul lagty hein lekin dekhna
Dast-e-gul cheenny ke liy talwar ban jaen ge hum

Hum charaghon ko to tareeki se larna hai Faraz
Gul hoye par subh ke aasar ban jaen ge hum

Leave a Reply