Adeem Hashmi’s Ghazal Fasly Aisy Bhi Hon Ge Ye Kabhi Socha Na Tha

 Fasle aise bhi hon ge ye kabhi socha na tha

Saamne baitha tha mere aur vo mera na tha

vo ki khushbu ki tarah phaila tha mere chaar suu

main usse mahsus kar saktaa tha chhu saktaa na tha

raat bhar us ki aahat kaan mein aati rahi

jhaank kar dekha gali mein koi bhi aaya na tha

aks to maujud the par aks tanhaai ke the

aaina to tha magar us mein tera chehraa na tha

aaj us ne dard bhi apne alahdaa kar diye

aaj mein royaa to mere saath vo royaa na tha

ye sabhi viraaniyaan us ke judaa hone se thiin

aankh dundhalaai hui thi shahr dundhlaaya na tha

yaad karke aur bhi takleef hoti thi adeem

bhuul jaane ke siva ab koi bhi chaara na tha

Love Urdu Poetry On Judaai

Love Urdu Poetry On Judaai

Leave a Reply