Ab Ke Rut Badli To Khushboo Ka Safar Dekhega Kaun

 Ab Ke Rut Badli To Khushboo Ka Safar Dekhega Kaun

Zakhm Phoolon Ki Tarah Mahkenge Par Dekhegaa Kaun

Dekhna Sab Raqs-E-Bismal Main Magan Ho Jaayenge

Jis Taraf Se Tir Aayega Udhar Dekhega Kaun

Zakham Jitny Bhi The Sab Mansoob Qatil Se Hoye

Tery Hathon Ke Nishan Ay Chara Gar Dekhy Ga Kaun

Wo Hawas Ho Ya Wafa Ho Baat Maharumi Ki Hai

Log To Phal Phool Dekhenge Shajar Dekhegaa Kaun

 Ham Chiraag E Shab Hi Jab Thahre To Phir Kya Sochna

Raat Thi Kis Ka Muqaddar Aur Sahar Dekhega Kaun

Aa Fasil E Shahar Se Dekhen Ganim-E-Shahar Ko

Shehar Jalta Ho To Tujh Ko Baam Par Dekhegaa Kaun

Har Koi Apni Hawa Mein Mast Phirta Hai Faraz

Shehar Napursan Mein Teri Chashm-e-Tar Dekhy Ga Kaun

                                                 Sad Urdu Poetry On Khushboo Ka Safar

ab k rut badli

Leave a Reply